NARKOTİK QAÇAQMALÇILARI YAXALANMIŞLAR
Milli Təhlükəsizlik Nazirliyinin mətbuat xidmətindən AZƏRTAC-a bildirmişlər ki, mayın 5-də Daxili İşlər Nazirliyinin Füzuli Rayon Polis Şöbəsi ilə birgə keçirilmiş tədbirlər nəticəsində İran İslam Respublikasının Aslandüz qəsəbəsinin sakinləri – 1988-ci il təvəllüdlü Nadir Muradi və 1986-cı il təvəllüdlü Kyumərz Zərpərəs İran-Azərbaycan dövlət sərhədinin Füzuli rayonu istiqamətində qaçaq yolla ölkəmizə keçirdikləri 4 kiloqramdan artıq marixuana ilə birlikdə yaxalanmışlar.
Transmilli cinayətkarlığa və narkotik vasitələrin qanunsuz dövriyyəsinə qarşı əməliyyat tədbirlərini davam etdirən Milli Təhlükəsizlik Nazirliyində fakt üzrə araşdırma aparılır.
Bölmənin digər xəbərləri
