Nazir: Azərbaycanla Serbiya arasında imzalanmış sənədlər əməkdaşlığın güclü hüquqi bazasını təşkil edir
Bakı, 13 fevral, AZƏRTAC
Azərbaycan və Serbiya arasında imzalanmış 57 sənəd ikitərəfli əməkdaşlığın güclü hüquqi bazasını təşkil edir.
AZƏRTAC xəbər verir ki, bunu Azərbaycanın maliyyə naziri Sahil Babayev Bakıda Serbiya Respublikasının milli bayramı – Dövlətçilik Gününə həsr olunmuş tədbirdə deyib.
O diqqətə çatdırıb ki, münasibətlərin strateji xarakter almasında Azərbaycan Prezidenti İlham Əliyev və Serbiya Prezidenti Aleksandar Vuçiç arasında formalaşmış açıq, səmimi və qarşılıqlı anlaşmaya əsaslanan əlaqələr mühüm rola malikdir. Bu istiqamətdə dövlət başçıları tərəfindən 2013-cü ildə imzalanmış Strateji Tərəfdaşlıq Bəyannaməsi, 2018-ci ildə qəbul edilmiş Birgə Fəaliyyət Planı və 2022-ci ildə yaradılmış Strateji Tərəfdaşlıq Şurası xüsusi əhəmiyyət daşıyır.
Bölmənin digər xəbərləri
