Nazir müavini: Postmünaqişə mərhələsində regionda kommunikasiyaların açılması bölgədə sülhə və inkişafa töhfə verəcək
Bakı, 14 mart, AZƏRTAC
Postmünaqişə mərhələsində regionda nəqliyyat-kommunikasiya xətlərinin açılması bölgədə sülhə və inkişafa töhfə verəcək.
Xarici İşlər Nazirliyinin Mətbuat xidməti idarəsindən AZƏRTAC-a verilən məlumata görə, bu sözləri xarici işlər nazirinin müavini Elnur Məmmədov Azərbaycan Respublikası ilə İran İslam Respublikası arasında diplomatik münasibətlərin qurulmasının 30-cu ildönümü münasibətilə keçirilən tədbirdə deyib.
Elnur Məmmədov, həmçinin Azərbaycan ilə İran arasında mövcud tarixi bağlar, birgə dəyərlər və adət-ənənələrin ikitərəfli əlaqələrin yüksələn xətt üzrə inkişafına şərait yaratdığını bildirib. Nazir müavini 44 günlük Vətən müharibəsi nəticəsində Azərbaycanın öz ərazi bütövlüyünü, o cümlədən Azərbaycan-İran sərhədini bərpa etdiyini, Prezident İlham Əliyevin iki ölkə arasında sərhədi “dostluq sərhədi” adlandırmasını xüsusi vurğulayıb.
Bölmənin digər xəbərləri
