NAZİRLƏR KABİNETİ MƏTBUAT MƏRKƏZİNİN MƏLUMATI
Fevralın 2-də baş nazir Artur Rasizadə Bakıda səfərdə olan Rusiyanın təhsil nazir Vladimir Filippovu qəbul etmişdir.
Söhbət zamanı təhsil sahəsində Rusiya-Azərbaycan əlaqələrinin indiki vəziyyəti və əməkdaşlığın perspektivləri barədə fikir mübadiləsi aparıldı.
V.Filippov Təhsil Nazirliyində və Bakı Slavyan Universitetində respublikamızın aparıcı universitetlərinin rektorları ilə keçirilən görüşlərin çox səmərəli olduğunu bildirdi. Görüşdə ölkələrimizin nazirlikləri arasında təhsil sahəsində əməkdaşlıq haqqında yeni sazişin hazırlanıb imzalanması tövsiyə edildi.
Təhsil naziri Misir Mərdanov və Rusiyanın Bakıdakı səfiri Nikolay Ryabov qəbulda iştirak edirdilər.
Bölmənin digər xəbərləri
