Bu günədək Azəri-Çıraq-Günəşli neft yataqlarından 28 milyon tondan artıq neft hasil edilərək ixrac olunmuş, 5,8 milyard kubmetr səmt qazı respublikamızın istifadəsinə verilmiş, ölkəmizin neft sənayesinin inkişafına isə 5,5 milyard ABŞ dolları həcmində sərmayə qoyulmuşdur.

Bu barədə AZƏRTAC-ın müxbirinə məlumat verən Dövlət Neft Şirkətinin prezidenti Natiq Əliyev demişdir ki, həmin yataqların neft ehtiyatları kəşfiyyat işlərinin aparılması nəticəsində 5,4 milyard barrelə, yəni 630 milyon tona çatdırılmışdır. Ümumiyyətlə, bu yataqların işlənilməsinə 12 milyard dollar məbləğində əsaslı vəsaitin qoyulması nəzərdə tutulmuşdur.