“NEFTÇİ” “İNTERTOTO KUBOKU” TURNİRİNİN İLK GÖRÜŞÜNDƏ QƏLƏBƏ QAZANMIŞDIR
AZƏRTAC xəbər verir ki, Azərbaycanın “Neftçi” futbol klubu “İntertoto” kuboku turnirinin ilk mərhələsində iyunun 21-də Tofiq Bəhramov adına Respublika stadionunda Slovakiyanın “Nitra” klubu ilə qarşılaşmışdır. Oyunun birinci hissəsində “Neftçi” Rəşad Sadıqov və Rəşad Sadiqovun vurduğu qollar sayəsində hesabda iki top fərqi ilə irəli çıxmışdır.
Gərgin idman mübarizəsi şəraitində keçən görüşün ikinci hissəsində qapılara qol vurulmamış və tarixində ilk dəfə olaraq “İntertoto kuboku” turnirində iştirak edən Azərbaycanın ən titullu klubu oyunu qələbə ilə başa vurmuşdur.
Bu komandalar arasında cavab görüşü iyunun 28-də Slovakiyada olacaqdır. Bu cütlüyün qalibi növbəti mərhələdə Belçikanın “Jerminal” komandası ilə qarşılaşacaqdır.
######
 |
 |
 |
Bölmənin digər xəbərləri
