Nizami rayonunda növbəti ağacəkmə aksiyası
Heydər Əliyev Fondunun vitse-prezidenti Leyla Əliyevanın təşəbbüsü ilə təşkil olunan IDEA - Ətraf Mühitin Mühafizəsi naminə Beynəlxalq Dialoq Kampaniyası çərçivəsində Bakının Nizami rayonunda növbəti ağacəkmə aksiyası keçirilib.
AZƏRTAC xəbər verir ki, aksiyada rayon icra hakimiyyətinin, idarə, müəssisə, təşkilatların nümayəndələri və Yeni Azərbaycan Partiyası Nizami rayon təşkilatının fəalları ilə yanaşı, sakinlər də iştirak ediblər. İməcilik zamanı müəyyən ərazilərdə səliqə-sahman yaradılıb, təmizlik işləri aparılıb, 200-dək Eldar şamı və digər həmişəyaşıl ağaclar əkilib, mövcud yaşıllıqlara qulluq göstərilib.
Qeyd edək ki, bundan əvvəl də kampaniya çərçivəsində rayonda keçirilən iməciliklər zamanı yüzdən çox ağac və bəzək kolları əkilib.
Bölmənin digər xəbərləri
