Növbəti “Tullantıları ekoçantaya dəyiş” aksiyası keçiriləcək
Bakı, 20 may, AZƏRTAC
Mayın 21-də Ekologiya və Təbii Sərvətlər Nazirliyi və “Neptun” marketlər şəbəkəsinin birgə təşkilatçılığı ilə “Tullantıları ekoçantaya dəyiş” aksiyası keçiriləcək.
AZƏRTAC nazirliyin rəsmi teleqram kanalına istinadla xəbər verir ki, aksiya “Həzi Aslanov” metro stansiyası yaxınlığında yerləşən “Neptun” marketin qarşısında təşkil olunacaq.
Aksiya zamanı vətəndaşlar ümumi tutumu minimum 35 litr olan plastik butulka, 5 litr tutumu olan şüşə butulka/banka və ya 10 ədəd işlənmiş batareya təhvil verərək əvəzində ekoçanta əldə edə biləcəklər.
Nazirlik hər kəsi aksiyada fəal iştirak etməyə, tullantıların təkrar emalına dəstək olmağa çağırır.
Bölmənin digər xəbərləri
