Növbəti “Tullantıları tinglərə dəyiş” aksiyası keçiriləcək
Bakı, 27 mart, AZƏRTAC
Ekologiya və Təbii Sərvətlər Nazirliyi və “Araz” marketlər şəbəkəsinin birgə təşkilatçılığı ilə “Tullantıları tinglərə dəyiş” aksiyası martın 29-da Bakının Günəşli qəsəbəsində yerləşən “Araz" superstor”un qarşısında keçiriləcək.
Nazirliyin mətbuat xidmətindən AZƏRTAC-a bildirilib ki, aksiya zamanı vətəndaşlar minimum 5 litr tutumu olan şüşə tullantı və ya 10 işlənmiş batareya təhvil verərək əvəzində ağac tingləri əldə edə biləcəklər.
Nazirlik hər kəsi aksiyada fəal iştirak etməyə, ağac əkərək təbiətə töhfə verməyə, eyni zamanda, tullantıların təkrar emalına dəstək olmağa çağırır.
Aksiya Günəşli qəsəbəsi, Babək prospekti, Qartal heykəlinin qarşısında yerləşən “Araz superstor”da saat 15:00-da keçiriləcək.
Bölmənin digər xəbərləri
