NOVRUZA HƏSR OLUNMUŞ TURNİR
Bakı Dövlət Cıdır meydanında “Günay” atçılıq idmanı klubunun təşkil etdiyi “Novruz-2004” müsabiqəsi üzrə turnir keçirilmişdir. Bahar bayramına həsr olunmuş turnirdə həm təşkilatçı klub, həm də Azərbaycan atçılıq idmanı klubunun, “Arsenal” idman klubunun 7 idmançısı iştirak edirdi. “Günay” klubunun nümayəndəsi, Qrom adlı atla 550 metr məsafəyə yarışlarda ən yaxşı nəticələr əldə etmiş Sergey Dayku turnirin qalibi olmuşdur. İkinci yeri Dmitri Uvarov (“Günay” klubu), üçüncü yeri Malik Məmmədov (Azərbaycan atçılıq idmanı klubu) tutmuşlar.
Maneələri dəfetmə yarışlarında Rodriqo adlı atla çıxış edən Sergey Dayku qalib olmuşdur. İkinci və üçüncü yerlərə Dmitri Uvarov və Malik Məmmədov çıxmışlar.
“Günay” klubunun fəxri prezidenti, Almaniyanın Azərbaycandakı səfiri Klaus Qrevlix də yarışları izləmişdir.
Bölmənin digər xəbərləri
