Oğurluq etdiyinə görə tutulan şəxsin digər cinayət əməlləri də müəyyən olunub
Bakı, 11 oktyabr, AZƏRTAC
Sumqayıtda oğurluq etdiyinə görə tutulan şəxsin digər cinayət əməlləri də müəyyən olunub.
Daxili İşlər Nazirliyinin mətbuat xidmətindən AZƏRTAC-a bildiriblər ki, oğurluq etdiyinə görə tutulan C.Mustafayev ilə bağlı Sumqayıt Şəhər Polis İdarəsinin 1-ci polis bölməsinin əməkdaşları tərəfindən aparılan tədbirlərlə onun şəhər ərazisindəki bir çay evindən pul və naqil, dönərxanadan pul və mobil telefon, bərbərxanadan kombi hissələri, iki kafedən pul, pivə aparatının mis materialdan olan ehtiyat hissələri, suqızdırıcı oğurlaması və bir mağazanı yandırması da müəyyən edilib.
Faktla bağlı şəhər polis idarəsi tərəfindən araşdırma aparılır.
Bölmənin digər xəbərləri
