Olimpiya üçüncüsü olan Azərbaycan güləşçisi: Parisə daha yaxşı nəticə üçün gəlmişdim
Paris, 11 avqust, Elnur Salahov, AZƏRTAC
Bürünc medaldan razı deyiləm. Çünki daha yaxşı nəticə gözləyirdim.
Bu sözləri AZƏRTAC-a açıqlamasında “Paris-2024” Yay Olimpiya Oyunlarında bürünc medal qazanan Azərbaycanın sərbəst güləşçisi Maqomedxan Maqomedov deyib.
97 kiloqram çəki dərəcəsində fəxri kürsüyə qalxan idmançı Parisə qızıl medal üçün gəldiyini, lakin istəyinə çata bilmədiyini söyləyib: “Tamam başqa nəticələrə köklənmişdik. Təəssüf ki, alınmadı”.
Qeyd edək ki, sərbəst güləşçilərimiz Paris olimpiadasını 2 medalla başa vurublar. M.Maqomedovdan başqa, Giorgi Meşvildişvili də Olimpiya üçüncüsü olub.
Bölmənin digər xəbərləri
