Ölkə ərazisində yeni telemetrik seysmik stansiyalar quraşdırılmışdır
Bakı, 27 dekabr (AZƏRTAC). Azərbaycan Milli Elmlər Akademiyasının Respublika Seysmoloji Xidmət Mərkəzi (RSXM) tərəfindən seysmik monitorinq sistemi yenidən qurulur, seysmik araşdırmalar daha da təkmilləşdirilir.
Mərkəzdən AZƏRTAC-a bildirmişlər ki, bu məqsədlə 2003-cü ildən başlayaraq ABŞ-ın “Kinemetrics” şirkətindən alınmış telemetrik-peyk rabitə kanallı seysmik stansiyaların ölkə ərazisində quraşdırılıb-istifadəyə verilməsi prosesi davam etdirilir. Bu il “Qəbələ”, “Həzrə”, “Qobustan” telemetrik stansiyaları, həmçinin Naxçıvan Muxtar Respublikasında “Ordubad”, “Şahbuz” və “Heydərabad” telemetrik stansiyaları fəaliyyətə başlamışdır.
Hazırda RSXM-in ölkə ərazisində fəaliyyət göstərən telemetrik seysmik stansiyalarının sayı 31-ə çatmışdır.
Bölmənin digər xəbərləri
