ÖLKƏMİZİN EFİR MƏKANINA MÜDAXİLƏNİN QARŞISI ALINIR
Rabitə və informasiya texnologiyaları naziri Əli Abbasov AZƏRTAC-ın müxbirinə demişdir ki, ölkəmiz Beynəlxalq Telekommunikasiya Birliyinin üzvüdür. Birlik üzvləri müəyyən olunmuş protokol qaydalarına əməl etməlidirlər. Həmin qaydalara görə, həmsərhəd ölkələrin televiziya və radio kanalları relyefdən asılı olaraq bir-birinə 300 kilometrə qədər yaxın məsafədə yayımlana bilər. Ancaq bu, ölkələr arasında kanalların tənzimlənməsi yolu ilə həyata keçirilməlidir. İranın “Səhər-2” kanalı çox güclü ötürücü sistemə malikdir. Ona görə də kanalın verilişlərinə bəzən Hövsanda da baxmaq mümkündür. Problemin həlli üçün müvafiq zonada yeni ötürücu quraşdırılmış və həmin yayımın əhatə dairəsi xeyli azalmışdır.
Nazirin sözlərinə görə, yayımın tam dayandırılması üçün İran rəsmiləri ilə iki protokol imzalanmışdır. Bu protokollara əsasən, qonşular adıçəkilən kanalın ötürücüsündə müvafiq texniki dəyişikliklər aparmalıdırlar.
Bölmənin digər xəbərləri
