Ölkənin iri sənaye şəhərlərinin atmosfer havasında çirkləndiricilərin səviyyəsi normadadır
Bakı, 6 yanvar (AZƏRTAC). Ekologiya və Təbii Sərvərlər Nazirliyi tərəfindən ölkənin iri sənaye şəhərlərində yanvarın 6-sı üçün atmosfer havasının gözlənilən çirklənmə vəziyyəti araşdırılmışdır.
Nazirliyin mətbuat xidmətindən AZƏRTAC-a bildirmişlər ki, Bakının atmosfer havasında tozun miqdarı 0.3-0.8, Sumqayıtda 0.3-0.8, Gəncədə 0.2-0.7, Mingəçevirdə 0.2-0.7, Naxçıvanda 0.1-0.6, Şirvanda 0.3-0.8, Şəkidə 0.1-0.6 milliqram/kubmetr olmaqla, norma (0.5 milliqram/kubmetr) daxilində dəyişmişdir.
Atmosfer havasının əsas çirkləndiricilərindən olan kükürd və dəm qazları əksər sənaye şəhərlərində yol verilən qatılıq həddindən aşağı olmuşdur. Gəncə, Naxçıvan və Şirvan şəhərlərində dəm qazı ümumiyyətlə müşahidə edilməmişdir.
His isə yalnız paytaxtda qeydə alınmışdır.
Bölmənin digər xəbərləri
