“Ömər Faiq Nemanzadə” fotoalbomu nəşr olunub
Bakı, 29 dekabr, AZƏRTAC
Milli Azərbaycan Tarixi Muzeyi tərəfindən Azərbaycanın və türk dünyasının ictimai-siyasi fikir tarixində, publisistikasında silinməz iz qoymuş, tanınmış maarifçi və ictimai xadim Ömər Faiq Nemanzadəyə həsr edilmiş fotoalbom nəşr olunub.
Bu barədə AZƏRTAC-a muzeydən məlumat verilib.
Fotoalboma Ömər Faiq Nemanzadənin varislərinin bu ilin avqustunda muzeyə hədiyyə etdiyi nadir fotoşəkillər, həmçinin vaxtilə muzey əməkdaşları tərəfindən toplanan digər materiallar daxil edilib. Nəşrdə təkcə Ö.F.Nemanzadənin və onun ailə üzvlərinin deyil, həm də Azərbaycanın ictimai həyatında, təhsil və maarifində xidmətləri olan bir çox insanların fotoşəkilləri də yer alıb. Ömər Faiqin ana tərəfdən qohumları olan məşhur Pepinovlar nəslinin nümayəndələrinin, Şəfiqə xanım Əfəndizadənin, Məmmədzəki və Münirə xanım Dursunzadələrin bəzi fotoları ilk dəfə məhz bu alboma daxil edilib.
Fotoalbomun tərtibçiləri muzeyin icraçı direktoru Fərhad Cabbarov və Ö.F.Nemanzadənin nəticəsi Ülviyyə Pepinovadır.
Bölmənin digər xəbərləri
