ON BİR AYDA VERGİLƏR NAZİRLİYİNİN PULSUZTELEFON XİDMƏTİNƏ 113.312 NƏFƏR MÜRACİƏTETMİŞDİR

15.12.2005 [15:14]
Çap et
A⁺ A^-

Vergilər Nazirliyinin ictimaiyyətlə əlaqələr şöbəsindən AZƏRTAC-a bildirmişlər ki, bu ilin on bir ayında nazirliyin vergi ödəyicilərinə pulsuz telefon xidmətinə - 195-ə müxtəlif sorğularla 113.312 nəfər müraciət etmişdir. Sorğuların 73.651-i elektron operator vasitəsilə, 39.661-i canlı olaraq mütəxəssislər tərəfindən cavablandırılmışdır. Bundan başqa, həmin müddətdə pulsuz telefon xidmətinə 85 şikayət daxil olmuşdur. Şikayətlərin hamısı vergi orqanlarında araşdırılmış və görülən tədbirlər barədə vergi ödəyicilərinə məlumat verilmişdir.

Şöbədən onu da bildirmişlər ki, həftənin I-V günləri saat 9.00-dan 18.00-dək vergi ödəyicilərinin bütün suallarını vergi orqanı əməkdaşları cavablandırırlar. İş günləri saat 18.00-dan sonra, eləcə də istirahət və bayram günlərində telefon xidməti avtomatik rejimdə çalışır və suallar elektron operator tərəfindən standart formalarda cavablandırılır. Bu zaman vergi ödəyicilərinə Azərbaycan, rus və ingilis dillərində Azərbaycan Respublikasında mövcud vergi növləri haqqında ümumi məlumatlar verilir.

ON BİR AYDA VERGİLƏR NAZİRLİYİNİN PULSUZTELEFON XİDMƏTİNƏ 113.312 NƏFƏR MÜRACİƏTETMİŞDİR

MÜƏLLİFLƏ ƏLAQƏ