OTÜSTÜ XOKKEY ÜZRƏ KİŞİLƏRDƏN İBARƏT KOMANDALAR ARASINDA ÖLKƏ ÇEMPİONATI DAVAM EDİR
AZƏRTAC xəbər verir ki, otüstü xokkey üzrə kişilərdən ibarət komandalar arasında Azərbaycan çempionatının 4-cü turuna yekun vurulmuşdur.
Bu turda paytaxt təmsilçisi “Akkord”la Qusarın “Şahdağ” klubu qarşılaşmışdır. Oyun 5:0 hesabı ilə “Akkord”un xeyrinə başa çatmışdır.
Digər qarşılaşmada isə Bakının “Atasport” klubu “Göytəpə” (Cəlilabad) komandası ilə üz-üzə gəlmişdir. Paytaxt təmsilçisi Cəlilabad komandasını 10:1 hesabı ilə məğlub edərək ölkə birinciliyindəki yerini qoruyub saxlaya bilmişdir.
Turun nəticələrinə görə “Akkord” 12 xalla yarış cədvəlinə rəhbərlik edir. “Atasport” klubu 22 oyundan 9 xalla ikinci yerdə qərarlaşmışdır. “Şahdağ” komandası isə 3 xalla 3-cü yerdədir.
Ölkə çempionatına noyabrın 2-də yekun vurulacaqdır.
Bölmənin digər xəbərləri
