Pakistanda şiddətli yağışlar 36 nəfərin ölümünə səbəb olub
Bakı, 4 mart, AZƏRTAC
Pakistanda fevralın 27-dən martın 3-dək yağan şiddətli leysan və qarın səbəb olduğu torpaq sürüşmələri və daşqınlar nəticəsində azı 36 nəfər ölüb, 41 nəfər isə müxtəlif dərəcəli xəsarətlər alıb.
AZƏRTAC xəbər verir ki, Pakistan hakimiyyət orqanlarının məlumatına görə, həlak olanların 21-i uşaqdır. Ölənlərin 27-sinin Hayber-Paxtunxva, beşinin Bəlucistan, dördünün isə Kəşmir əyalətlərindən olduğu bildirilir.
Bundan əlavə, yağıntının səbəb olduğu müxtəlif təbii fəlakətlər nəticəsində ümumilikdə 469 ev dağılıb.
Bölmənin digər xəbərləri
