Pakistanda son sutkada 2164 nəfər koronavirusa yoluxub
İslamabad, 25 may, AZƏRTAC
Son 24 saat ərzində Pakistanda COVID-19-a yoluxanların sayı 2164 artaraq 54 min 601 nəfərə çatıb.
AZƏRTAC Pakistan mətbuatına istinadla xəbər verir ki, Sind əyalətində 21 min 645, Pəncabda 19 min 557, İslamabadda ümumilikdə 1592 nəfər koronavirusa yoluxub. Xayber-Paxtunxva, Bəlucistan və digər əyalətlərdə də virusa yoluxanların sayı durmadan artır.
Bildirilir ki, indiyədək ölkədə koronavirusdan 17 min 198 nəfər sağalıb. Son sutkada 32 nəfər həyatını itirib və ölənlərin sayı 1133 nəfərə çatıb.
Qulu Kəngərli
AZƏRTAC-ın xüsusi müxbiri
İslamabad
Bölmənin digər xəbərləri
