PAKİSTANDA ZƏLZƏLƏ NƏTİCƏSİNDƏ 57 MİNDƏN ÇOX ADAM HƏLAK OLMUŞDUR
Son 100 ildə Cənubi Asiyada baş vermiş bu ən güclü (7,6 bal) zəlzələ Pakistan Kəşmirində və Şimal-Qərb sərhəd əyalətində böyük dağıntılara səbəb olmuşdur. Yüz minlərlə adam evsiz-eşiksiz qalmış, minlərlə sakin yaralanmışdır.
Bundan əvvəl Pakistan rəhbərləri 55 min adamın həlak olduğunu və 78 min nəfərin yaralandığını bildirmişdilər. Yerli hakimiyyət orqanları hesab edirlər ki, ucqar dağlıq rayonlardan məlumat alındıqdan sonra bu göstəricilər xeyli artacaqdır.
Rəsmi məlumata görə, Hindistanın Cammu və Kəşmir ştatında təbii fəlakət nəticəsində 1309 nəfər həlak olmuş, 6622 adam yaralanmışdır.
Bölmənin digər xəbərləri
