PANAMA KUBADAKI SƏFİRİNİ GERİ ÇAĞIRIR

24.08.2004 [13:15]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, Panama Kubadakı səfirini geri çağırır. Bu qərarı ölkə prezidenti Mireyya Elisa Moskoso qəbul etmişdir. Xanım Moskoso Panamada mətbuat konfransında çıxış edərək bildirmişdir ki, bu addım iki ölkə arasında münasibətlərin kəskinləşməsi ilə bağlıdır.

Bundan bir gün öncə Kuba XİN bəyan etmişdir ki, əgər Panamanın hakimiyyət orqanları bir neçə il əvvəl Kuba lideri Fidel Kastroya qarşı təşkil olunmuş sui-qəsdin iştirakçılarını azadlığa buraxsalar, ölkə Panama ilə diplomatik əlaqələri kəsəcəkdir.

Xatırladaq ki, 2000-ci ilin axırlarında Kuba liderinə qarşı baş tutmayan sui-qəsdin təşkilinə görə bir neçə kubalı mühacir bu ilin aprelində Panamada mühakim edilmişdir. Əvvəllər Kuba hökuməti Panamanın hakimiyyət orqanlarını Kuba mühacirlərindən ibarət qruplaşmaları dəstəkləməkdə dəfələrlə təqsirləndirmişdir.

PANAMA KUBADAKI SƏFİRİNİ GERİ ÇAĞIRIR

MÜƏLLİFLƏ ƏLAQƏ

Bölmənin digər xəbərləri