“Paris Sen-Jermen” argentinalı yarımmüdafiəçi Leandro Paredesi transfer edib
Bakı, 29 yanvar, AZƏRTAC
Fransanın “Paris Sen-Jermen” futbol klubu argentinalı yarımmüdafiəçi Leandro Paredesin transferini başa çatdırıb.
AZƏRTAC klubun saytına istinadla xəbər verir ki, 25 yaşlı yarımmüdafiəçi Rusiyanın “Zenit” komandasından transfer edilib. Qətərdə müayinədən keçən L.Paredes Paris klubu ilə 2023-cü ilin yayınadək qüvvədə olan müqavilə imzalayıb. Yarımmüdafiəçi yeni komandasında 8 nömrəli formada meydana çıxacaq.
Argentinanın “Boka Xuniors” klubunda debüt edən futbolçu sonradan İtaliyanın “Kievo”, “Roma” və “Empoli” klublarının formasını geyinib. O, cari mövsümdə “Zenit”in heyətində 22 oyunda 4 dəfə fərqlənib. Futbolçu Argentina millisinin heyətində 9 oyunda 1 qol vurub.
Bölmənin digər xəbərləri
