Paşinyan: Ermənistana yeni konstitusiya lazımdır
Bakı, 19 yanvar, AZƏRTAC
Yeni geosiyasi və regional şərait nəzərə alınaraq Ermənistan üçün yeni konstitusiyanın yazılması zəruridir.
AZƏRTAC xəbər verir ki, Ermənistanın baş naziri Nikol Paşinyan bunu Ədliyyə Nazirliyinin əməkdaşları ilə görüşündə deyib. “Ermənistanın konstitusiya dəyişikliklərinə deyil, yeni konstitusiyaya ehtiyacı var”, - deyə Paşinyan bildirib.
O, həmçinin qeyd edib ki, xalqın demokratik arzuları və ölkənin strategiyası nəzərə alınaraq, parlament idarəetmə forması Ermənistan üçün ən əlverişli variantdır.
“Ermənistanın danılmaz səsvermə nəticəsində xalq tərəfindən qəbul edilən konstitusiyası olmalıdır. Ermənistanı yeni geosiyasi və regional şəraitdə daha rəqabətli respublikaya çevirə biləcək konstitusiyaya ehtiyacımız var”, - deyə baş nazir əlavə edib.
Bölmənin digər xəbərləri
