Paytaxt sakinindən külli miqdarda narkotik vasitələr götürülüb
Bakı, 20 aprel, AZƏRTAC
Paytaxt sakinindən külli miqdarda narkotik vasitələr götürülüb.
Daxili İşlər Nazirliyinin mətbuat xidmətindən AZƏRTAC-a verilən məlumata görə, narkotiklərin qanunsuz dövriyyəsində şübhəli bilinən Bakı şəhər sakini A.Qəniyev Baş Mütəşəkkil Cinayətkarlıqla Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində Yasamal rayonu ərazisində saxlanılıb. Axtarış zamanı ondan 29 qrama yaxın metamfetamin, 217 ədəd “Paden 300” preqabalin, 364 ədəd “Alyse” preqabalin və 424 ədəd ekstazi həbləri aşkar olunaraq götürülüb.
Faktla bağlı araşdırma aparılır.
Bölmənin digər xəbərləri
