Paytaxtda sərnişin avtobusunda cibgirliklə məşğul olan şəxs saxlanılıb
Bakı, 31 mart, AZƏRTAC
Paytaxtda sərnişin avtobusunda cibgirliklə məşğul olan şəxs saxlanılıb.
Daxili İşlər Nazirliyinin mətbuat xidmətindən AZƏRTAC-a verilən məlumata görə, martın 29-da sərnişin avtobusunda Bakı şəhər sakini A.Almuradovanın çantasından içərisində 150 manat məbləğində pul, bijüteriya və sənədlər olan pulqabısını oğurlamaqda şübhəli bilinən Sumqayıt şəhər sakini, əvvəllər məhkum olunmuş Y.Məmmədli Bakı Şəhər Baş Polis İdarəsinin Cinayət Axtarışı İdarəsi və Nəsimi Rayon Polis İdarəsinin 19-cu polis şöbəsinin əməkdaşlarının birgə keçirdikləri əməliyyat-axtarış tədbirləri nəticəsində saxlanılıb. Axtarış zamanı onda heroin aşkar edilib.
Faktla bağlı araşdırma aparılır.
Bölmənin digər xəbərləri
