PEKİN DÜNYANIN ƏN ÇİRKLİ ŞƏHƏRİ SAYILMIŞDIR
AZƏRTAC xarici KİV-lərə istinadla xəbər verir ki, Avropa Kosmik Agentliyinin nümayəndələri Pekini planetimizin ən çirkli şəhəri saymışlar. Çin paytaxtının atmosferində azot dioksidin ən çox toplandığı qeydə alınmışdır ki, bunun da nəticəsində Pekində və ÇXR-in digər şəhərlərində hər il 400 mindən çox adam tələf olur.
2008-ci il Olimpiadasının keçirilməsi hüququnu almış bu şəhərdə son beş ildə avtomobillərin sayı artaraq 2,5 milyona çatmışdır. İşlənmiş avtomobil qazları parnik qazlarının əmələ gəlməsinin başlıca səbəblərindəndir. Çin isə həmin qazların həcminə görə dünyada ABŞ-dan sonra ikinci yeri tutur.
Bölmənin digər xəbərləri
