Pekin insan haqları və demokratiya pərdəsi altında dövlətlərin daxili işlərinə müdaxilənin əleyhinədir
Bakı, 16 yanvar, AZƏRTAC
Çinin xarici işlər naziri Vanq Yi Tunis Prezidenti Kais Said ilə keçirdiyi mətbuat konfransında bildirib ki, Pekin insan haqları və demokratiya pərdəsi altında dövlətlərin daxili işlərinə müdaxilənin əleyhinədir.
"Biz öz dəyərlərimizi başqalarına sırımağa, başqa ölkələri öz standartlarımıza uyğun dəyişdirməyə, insan haqları və demokratiya bəhanəsi ilə daxili işlərə qarışmağa qarşıyıq", -deyə Çinin xarici siyasət idarəsinin rəhbəri vurğulayıb. O əlavə edib ki, bugünkü dünya qeyri-müəyyənlik və qeyri-sabitliklə doludur, eyni zamanda, təkqütblülük, güc siyasəti və hegemonluq hələ də tüğyan edir.
Çinin xarici işlər naziri onu da qeyd edib ki, Afrika ölkələrinə səfərlərinin əsas məqsədi Pekinin bu dövlətlərə dəstəyini ifadə etməkdir.
Bölmənin digər xəbərləri
