PEKİN TAYVANIN ÇİNDƏN AYRILMASINA HEÇ BİR HALDA YOL VERMƏYƏCƏK
Ölkənin ali qanunverici orqanının - ÜXNM-nin 10-cu çağırış dördüncü sessiyası bazar günü Pekində açılacaq və 10 gün işləyəcəkdir.
Ençju Tayvan administrasiyasının lideri Çen Şuybyanın Tayvan Millı Birləşmə Şurasının fəaliyyətini dayandırması haqqında bu günlərdə imzaladığı qərarı şərh edərək vurğulamışdır ki, “bu olduqca təhlükəli addımdır”. O demişdir: “Tayvanın müstəqilliyi” istiqamətində atılan bu təhlükəli addım “bir və yeganə Çin” prinsipinə tərəfdar çıxan bütün dünya birliyinə, habelə Tayvan boğazı bölgəsində sülhə və sabitliyə əməlli-başlı meydan oxumaqdır”.
Onun sözlərinə görə, Pekin bu bölgədə sülhün və sabitliyin qorunub saxlanılması üçün var qüvvə ilə səy göstərmək və ölkəni dincliklə birləşdirmək niyyətindədir.
1949-cu ildə Çində vətəndaş müharibəsini uduzan Homindan Partiyasının bir neçə milyon tərəfdarı Tayvana qaçmışdır. Pekin Tayvanı Çin ərazisinin ayrılmaz tərkib hissəsi hesab edir və adanın beynəlxalq birlik tərəfindən tanınmayan indiki administrasiyasının adanın müstəqilliyi istiqamətində apardığı fəaliyyətə çox kəskin münasibət göstərir.
Bölmənin digər xəbərləri
