Pekində şiddətli yağışlar 11 nəfərin ölümünə səbəb olub
Bakı, 1 avqust, AZƏRTAC
Pekində şiddətli yağışlar nəticəsində azı 11 nəfər ölüb, 27 nəfər itkin düşüb.
AZƏRTAC Sinxua agentliyinə istinadla xəbər verir ki, iyulun 29-dan bəri Doksuri tayfunu Pekində davamlı leysan yağışlarına səbəb olur, xüsusən də şəhərin qərb, cənub-qərb və cənub rayonlarında güclü yağışlar yağır.
Bu gün yerli vaxtla səhər saat 6:00-a olan məlumata görə, Pekində qeydə alınan orta yağıntı 257,9 millimetrə, şəhərin mərkəzi ərazilərində isə 235,1 millimetrə çatıb.
Hazırda kəskin hava şəraiti ilə əlaqədar bütün şəhər üzrə 127 minə yaxın sakin təxliyə edilib.
Bölmənin digər xəbərləri
