PENTAQON QUANTANAMO MƏHBUSLARININ ADLARINI VƏ MİLLİ MƏNSUBİYYƏTLƏRİNİ AÇIQLAYACAQ
Məhkəmə bu qərarı informasiya azadlığı haqqında Qanun əsasında Assoşieyted Press Agentliyinin ötən il irəli sürdüyü iddiaya baxdıqdan sonra qəbul etmişdir. Agentlik Quantanamoda saxlanılan 558 məhbusun işi üzrə hərbi tribunalların iclasları haqqında sənədlərin əldə olunmasına çalışırdı. Hökumət məhbuslara özlərini müdafiə etmək imkanı verilmiş həmin məhkəmə iclaslarının gedişini açıqlamışdı. Lakin məhbusların şəxsiyyəti haqqında bütün informasiya sənədlərdən çıxarılmışdı.
Nyu-York federal məhkəməsinin hakimi qərar qəbul etməzdən əvvəl məhbusların adlarının açıqlanmasını istəyib-istəmədiklərini öyrənmək tələbi ilə Pentaqona müraciət etmişdir. Qəzet yazır: “Sorğu vərəqini alan 317 məhbusdan 63-ü bununla razılaşmış, 17-si “yox” demiş, 35-i heç nə yazmamış, 202 nəfəri isə sorğu vərəqini qaytarmamışdır. Hakimin fikrincə, cüzi sayda mənfi cavab adların açıqlanması lehinə qərar qəbul etmək imkanı verir.
Bölmənin digər xəbərləri
