Peter Siyarto: Macarıstan Rusiyaya qarşı 20-ci sanksiya paketini dəstəkləməyəcək
Bakı, 16 mart, AZƏRTAC
Avropa İttifaqının xarici işlər və enerji nazirlərinin görüşündə Budapeşt Ukraynanın ittifaqa qoşulmasının mümkünsüz olduğunu açıqlayacaq.
AZƏRTAC xəbər verir ki, bunu Macarıstanın xarici işlər və iqtisadi əlaqələr naziri Peter Siyarto Avropa İttifaqındakı həmkarları ilə görüşmək üçün Brüsselə gedərkən jurnalistlərə açıqlaması zamanı deyib.
O, həmçinin “Drujba” boru kəməri ilə neft tədarükü bərpa olunmayanadək Rusiyaya qarşı 20-ci sanksiya paketinin və Kiyevə 90 milyard avroluq kreditin qəbul edilməyəcəyini də vurğulayıb.
Peter Siyartonun sözlərinə görə, Ukrayna hakimiyyəti hələ də “Drujba” boru kəməri ilə neft tədarükünə imkan vermir.
“Brüssel Ukraynaya təzyiq göstərə və neft tədarükünün bərpasını tələb edə bilərdi, lakin qorxuram ki, bu gün onlar yenidən bizə təzyiq göstərməyi və tələblər irəli sürməyi üstün tutacaqlar”, - deyə xarici işlər naziri əlavə edib.
Qeyd edək ki, yanvarın 27-dən etibarən Rusiya neftinin “Drujba” boru kəməri ilə Macarıstana tədarükü dayandırılıb. Budapeşt isə buna cavab olaraq Avropa İttifaqının Kiyevə 90 milyard avroluq kreditini bloklayıb və Brüsselin Ukraynanın xeyrinə verəcəyi istənilən qərarına mane olacağı barədə xəbərdarlıq edib.
Bölmənin digər xəbərləri
