PİNOÇET İNSAN HÜQUQLARININ POZULMASINDA TƏQSİRLƏNDİRİLİR
AZƏRTAC Röyter agentliyinə istinadla xəbər verir ki, keçmiş Çili diktatoru Auqusto Pinoçet son günlərdə ikinci dəfə məhkum olunmuşdur. Bu dəfə o, üç nəfərin yoxa çıxmasında əli olmaqda ittiham edilir. Formal ittiham “adamların daim oğurlanması” kimi səslənir. Çili qanunlarına əsasən, bu sözlərlə hakimiyyət orqanları tərəfindən çoxlu adamın həbs edilməsi nəzərdə tutulur.
Pinoçetin işi üzrə ittihamçı olan hakim Viktor Montiqlio onu ev dustağı etmişdir.
Ümumiyyətlə, 1973-1990-cı illərdə Pinoçetin hakimiyyəti dövründə 3000-dən çox insan siyasi represiyalar nəticəsində ölmüş, on minlərlə adam isə işgəncələrə məruz qalmış və ölkədən çıxarılmışdır.
Bölmənin digər xəbərləri
