Pirelli: Gələn il Bakıya “ultrasoft” təkərlər gətirə bilərik
Bakı, 19 iyun, AZƏRTAC
“Pirelli” şirkətinin yürüş direktoru Mario İzolla jurnalistlərlə görüşündə bildirib ki, bu il Avropa Qran-prisinin gedişində toplanmış məlumatları ətraflı təhlil etmişik. Ətraflı təhlillərdən sonra gələnilki yarışda Bakıya “ultrasoft” şinlərini gətirə bilərik.
AZƏRTAC xəbər verir ki, Mario İzolla bu barədə fikrini ifadə edərək deyib: “Biz gözləyirdik ki, seçdiyimiz komplektlər yürüşün bir pit-stopla keçməsinə imkan yaradacaq. Daha doğrusu, komandaların əksəriyyəti məhz bu taktikanı seçəcək. Biz rezinin vəziyyəti barədə məlumat topladıqdan və onu tədqiq etdikdən sonra ola bilsin ki, gələn il Bakıya “ultrasoft” təkərlərin gətirilməsi barədə qərar qəbul ediləcək”.
Bölmənin digər xəbərləri
