POLŞA HÖKUMƏTİ İSTEFADAN İMTİNA EDİR
Kabinetin istefasını Polşanın bir sıra müxalifət partiyaları tələb edirlər. Polşa Kəndli Partiyasının (PKP) rəhbərliyi koalisiya hökuməti yaradılması barədə hakim “Qanun və Ədalət” Partiyası ilə danışıqları dayandırmış və milli barışıq hökumətinin yaradılmasını bu partiyanın nümayəndələrinin iştirakı olmadan davam etdirmişdir. PKP liderlərinin fikrincə, bu hökumət 2007-ci ilin yanvar-fevralınadək fəaliyyət göstərəcəkdir.
Müxalifət hökumətin istefasını Polşa televiziyası Seymdə gizli kamera ilə çəkilmiş kadrları göstərdikdən sonra tələb etmişdir. Lent yazısında hökumət dəftərxanasının yüksək vəzifəli nümayəndəsi Adam Lipinski “Özünümüdafiə” Partiyasından Seymin deputata “Qanun və Ədalət” fraksiyasına keçməsinin əvəzində Kənd Təsərrüfatı və Kəndin İnkişafı Nazirliyində rəhbər vəzifə təklif etmişdir.
Təhlilçilərin fikrincə, yaranmış siyasi vəziyyətdə Seymin istefası və növbədənkənar parlament seçkiləri keçirilməsi ehtimalı daha ağlabatandır.
Bölmənin digər xəbərləri
