POLŞA MİLLİ BANKININ NÜMAYƏNDƏ HEYƏTİ MİLLİBANKDA OLMUŞDUR

15.12.2005 [18:25]
Çap et
A⁺ A^-

Milli Bankın mətbuat xidmətindən AZƏRTAC-a bildirmişlər ki, Polşa Milli Bankı (PMB) prezidenti ofisinin direktoru Remigiz Paşkeviçin rəhbərlik etdiyi nümayəndə heyəti Milli Bankda olmuşdur.

Səfərdən məqsəd Polşa və Azərbaycan mərkəzi bankları arasında əməkdaşlıq perspektivləri və təcrübə mübadiləsi məsələlərini müzakirə etməkdir.

Qonaqlar Polşa kommersiya banklarında xarici nəzarət, PMB-nin regional şəbəkəsinin restrukturizasiyası, təhlükəsizlik məsələləri və beynəlxalq əlaqələrinə dair təqdimatlarla çıxış etmiş, Milli Bankın müvafiq departamentlərinin fəaliyyəti, həmkarlarının iş təcrübəsi ilə tanış olmuş, görülən işləri yüksək qiymətləndirmişlər.

Dünya Bankında Azərbaycanın daxil olduğu qrupun alternativ icraçı direktoru Jakob Karnovski də nümayəndə heyətinin üzvləri arasında olmuşdur.