Polşanın Baş naziri Ukraynaya səfər edib
Bakı, 22 yanvar, AZƏRTAC
Polşanın Baş naziri Donald Tusk Kiyevə səfəri zamanı Ukrayna rəhbərliyi ilə danışıqlar aparacaq.
AZƏRTAC xəbər verir ki, Polşa hökumət başçısının aparatı bu barədə özünün sosial media hesabında məlumat yayıb.
“Baş nazir Donald Tusk Kiyevə səfəri zamanı Ukrayna Prezidenti Volodimir Zelenski və Baş nazir Denis Şmıqal ilə görüşəcək”, - deyə məlumatda bildirilib.
Bu ərəfədə Donald Tusk yerli kanallara müsahibəsində yaxın günlərdə Ukraynaya səfər edəcəyini açıqlamışdı. Onun sözlərinə görə, Kiyevdə aparılacaq danışıqlarda regiondakı vəziyyət, həmçinin ikitərəfli iqtisadi əlaqələr, o cümlədən Polşa və Ukrayna daşıyıcıları arasındakı münaqişə müzakirə olunacaq.
Bölmənin digər xəbərləri
