Premyer Liqa: “Səbail” – “Neftçi” oyununda qalib müəyyənləşməyib
Bakı, 10 avqust, AZƏRTAC
Futbol üzrə Azərbaycan Premyer Liqasında II turun növbəti oyunu keçirilib.
AZƏRTAC xəbər verir ki, günün ikinci qarşılaşmasında “Səbail” və “Neftçi” komandaları üz-üzə gəlib. Görüş 1:1 hesablı heç-heçə ilə yekunlaşıb.
Hesabı 24-cü dəqiqədə “Neftçi”nin heyətində Yuri Matias açıb. “Səbail”in cavab qoluna isə 48-ci dəqiqədə Dmitro Litvin imza atıb.
Günün ilk oyununda “Araz-Naxçıvan” “Şamaxı”ya 1:0 hesabı ilə qalib gəlib.
Ötən gün turun açılış görüşündə “Qarabağ” “Kəpəz”in qapısından üç cavabsız top keçirib.
Qeyd edək ki, ikinci turun oyunları avqustun 11-də başa çatacaq.
Bölmənin digər xəbərləri
