Prezident İlham Əliyev: Orta Dəhlizin inkişafı ilə bağlı məsələlər zamanın hökmüdür
Bakı, 13 oktyabr, AZƏRTAC
Zirvə Toplantısının yaxşı nəticələri Qazaxıstanın beynəlxalq arenada oynadığı rolun və yüksək nüfuzunun daha bir nümayişidir.
AZƏRTAC xəbər verir ki, bu barədə Azərbaycan Prezidenti İlham Əliyev Astanada Qazaxıstan Prezidenti Kasım-Jomart Tokayev ilə görüşündə bildirib.
Heydər Əliyevin xatirəsinə dərin ehtirama və qəbul edilmiş qərarlara görə qazaxıstanlı həmkarına təşəkkür edən dövlətimizin başçısı, həmçinin Qazaxıstan Prezidentinin Azərbaycana rəsmi səfərini xatırladaraq deyib: “Zənnimcə, Sizin səfərinizdən sonra artıq yaxşı nailiyyətlər, nəticələr var, - biz indi bu barədə danışacağıq, - həm nəqliyyat sahəsində, həm də digər sahələrdə”.
Orta Dəhlizin inkişafı ilə bağlı məsələləri zamanın hökmü kimi dəyərləndirən Prezident İlham Əliyev vurğulayıb ki, həm Qazaxıstan, həm Azərbaycan buna hazır idi, çünki bizim ölkələrdə çox müasir nəqliyyat infrastrukturu yaradılıb, bu, çox böyük həcmdə yükləri artıq bu gün daşımağa imkan verir.
Bölmənin digər xəbərləri
