“Qafqazda təhlükəsizlik və çağırışlar” - gənc alimlərin forumu
Bakı, 19 dekabr, AZƏRTAC
Dekabrın 19-da STEM Analitik Mərkəzi və AMEA Qafqazşünaslıq İnstitutunun birgə təşkilatçılığı ilə Azərbaycanın 44 günlük Vətən müharibəsindəki Qələbəsinə həsr olunmuş “Qafqazda təhlükəsizlik və çağırışlar” mövzusunda gənc alimlərin respublika forumu keçirilib.
AZƏRTAC xəbər verir ki, açılış nitqi ilə çıxış edən STEM mərkəzinin rəhbəri Orxan Yolçuyev forumun əsas məqsədinin regionun aktual problemləri ilə bağlı mövzularda tədqiqat bacarıqlarını nümayiş etdirə bilən gənc alimləri üzə çıxarmaq olduğunu deyib. Bildirib ki, forumda iştirak etmək üçün ən yaxşı tezisin müəllifi olan 70 gənc seçilib.
Milli Məclisin deputatı Musa Qasımlı bildirib ki, Qafqaz təhsili sahəsi çox genişdir. Mövzunun öyrənilməsindən danışan deputat Qafqazda təhsilin böyük perspektivlərindən danışıb və bu sahədə daha çox təcrübəyə diqqət yetirməyin vacibliyini qeyd edib.
Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev çıxışında Azərbaycanın tədqiqat və beyin mərkəzlərinin inkişafına xüsusi diqqət yetirdiyini vurğulayıb. Bildirib ki, gənclər fəaliyyətlərində peşəkarlığa nail olmağa çalışmalıdırlar.
Forum panel müzakirələrlə davam edib.
Bölmənin digər xəbərləri
