“QANLI YANVAR” ADLI SƏRGİ AÇILMIŞDIR
Muzeydən AZƏRTAC-a bildirmişlər ki, sərgidə 40-dan çox Azərbaycan rəssamının rəngkarlıq, qrafika və heykəltəraşlıq janrlarında 50-yə yaxın əsəri nümayiş etdirilir.
Muzeyin direktoru İsrafil İsrafilov, mədəniyyət naziri Polad Bülbüloğlu və Rəssamlar İttifaqının sədri Fərhad Xəlilov mərasimdə çıxış edərək rəssamlarımızın şəhidlərin xatirəsinə həsr etdikləri təsviri sənət nümunələrindən danışmış, həmin tabloların tamaşaçıda doğurduğu təsir gücünü vurğulamışlar.
Qeyd olunmuşdur ki, 1990-cı ilin faciəli 20 Yanvar gecəsində Azərbaycanın dövlət müstəqilliyi uğrunda canlarını qurban verən insanların igidliklərini xalqımız həmişə ehtiram hissi ilə xatırlayacaqdır.
Bölmənin digər xəbərləri
