“Qarabağ”ın hücumçusu: Erkən çempionluğu gözləmirdim
Bakı, 29 mart, AZƏRTAC
Düzünü desəm, bu qədər erkən çempionluğu gözləmirdim.
Bu sözləri futbol üzrə "Qarabağ" komandasının hücumçusu Olavio Juninyo Azərbaycan Premyer Liqasının XXVIII turunda "Kəpəz"ə 6:1 hesabı ilə qalib gələrək XI çempionluqlarını rəsmiləşdirməsi ilə bağlı AZƏRTAC-a danışarkən deyib.
O, peşəkar karyerasında ilk titulunu qazandığını bildirib: “Buna görə çox xoşbəxtəm. Hər mövsüm “Qarabağ” qarşısına daha böyük hədəflər qoyur. Bu zəfər də görülən işlərin nəticəsidir”.
28 yaşlı braziliyalı hücumçu xarici klublardan gələn təkliflər barədə də fikirlərini bölüşüb: "Bu işlərlə agentim məşğul olur. Ona görə də dəqiq bir fikir deyə bilmərəm".
Bölmənin digər xəbərləri
