Qaxda yabanı halda bitən 3 ton çətənə kolu məhv edilib
Qax, 24 may, AZƏRTAC
Qax Rayon Polis Şöbəsinin əməkdaşları tərəfindən “Xaş-xaş 2021” şərti adı altında keçirilən əməliyyat-axtarış tədbirləri nəticəsində rayonun Fıstıqlı və Əlibəyli kəndləri ərazisində yabanı halda bitən narkotik tərkibli çətənə kolları aşkar edilib.
Daxili İşlər Nazirliyinin mətbuat xidmətinin Şəki regional qrupundan AZƏRTAC-ın bölgə müxbirinə verilən məlumata görə, həmin kəndlərin ərazisindəki meşə massivindən ümumi çəkisi 3 tona yaxın olan 14550 ədəd çətənə kolu polislər tərəfindən kökündən çıxarılıb və yandırılaraq məhv edilib.
Bölmənin digər xəbərləri
