QAXIN UŞAQ FUTBOL KOMANDASI RESPUBLİKA BİRİNCİLİYİNİN QALİBİDİR
AZƏRTAC xəbər verir ki, iyunun 15-dən 18-dək Qax şəhər stadionunda 1996-97-ci il təvəllüdlü uşaqlardan təşkil edilmiş komandalar arasında mini futbol üzrə respublika birinciliyinin final mərhələsinin oyunları olmuşdur. Gənclər və İdman Nazirliyinin təşəbbüsü ilə keçirilən birincilikdə zona yarışlarının qalibləri - Qax, Oğuz, Mingəçevir, Biləsuvar, Tovuz və digər rayonları təmsil edən 10 komanda mübarizə aparmışdır.
Final oyununda Mingəçevir komandasını 5:1 hesabı ilə məğlub edən Qax futbolçuları respublika birinciliyinin qalibi adını qazanmışlar. 3-cü yeri on bir metrlik cərimə zərbələri ilə tovuzluları məğlub edən Biləsuvar komandası tutmuşdur. Qalib komandalara Gənclər və İdman Nazirliyinin kubok və diplomları təqdim edilmişdir.
Bölmənin digər xəbərləri
