Qazax dilində ulu öndər Heydər Əliyev haqqında kitab nəşr olunacaq
Astana, 2 mart, AZƏRTAC
Beynəlxalq Türk Akademiyası ulu öndər Heydər Əliyevin 95 illik yubileyinə həsr olunan kitab üzərində işləri yekunlaşdırır.
AZƏRTAC xəbər verir ki, bu barədə Qazaxıstanın Astana şəhərində jurnalistlərə müsahibəsində Akademiyanın prezidenti Darxan Kıdırali məlumat verib.
Qazax dilində hazırlanan “Heydər Əliyev və türk dünyası” adlı kitabda Ulu Öndərin həyat və fəaliyyəti, onun türkdilli dövlətlərə səfərləri, ikitərəfli və çoxtərəfli formatda görüşləri ilə bağlı məlumatlar yer alır. Kitabda Ümummilli Liderin türk xalqlarının ortaq dəyərləri ilə bağlı fikirləri, türkdilli dövlətləri əhatə edən təşkilatların formalaşdırılması və türk xalqlarının inteqrasiyasına töhfəsi kimi mövzular da əksini tapıb.
Akademiyanın rəhbəri qeyd edib ki, yeni nəşr may ayınadək qazax oxucuların ixtiyarına veriləcək. Kitabın Ulu Öndərin yubiley tədbirləri çərçivəsində Bakıda və Astanada təqdimatı olacaq.
İlahə Əhmədova
AZƏRTAC-ın xüsusi müxbiri
Astana
Bölmənin digər xəbərləri
