QAZAXISTAN PARLAMENTİ SENATININ YENİ SƏDRİ SEÇİLMİŞ, PREZİDENTİN İCRA APARATININ YENİ RƏHBƏRİ TƏYİN OLUNMUŞDUR
AZƏRTAC-ın xüsusi müxbiri Astanadan xəbər verir ki, Qazaxıstan parlamenti senatının martın 10-da keçirilmiş iclasında Nurtay Abıkayev gizli səsvermə yolu ilə senatın yeni sədri vəzifəsinə seçilmişdir. Onun namizədliyini Prezident Nursultan Nazarbayev irəli sürmüşdür. Öz ərizəsi ilə işdən azad edilmiş senatın sabiq sədri Oralboy Abdıkarimov Prezidentin Fərmanı ilə Qazaxıstanın dövlət katibi vəzifəsinə təyin olunmuşdur.
İxtisasca mühəndis-mexanik olan Nurtay Abıkayev bundan əvvəl Prezidentin İcra Aparatının rəhbəri işləmişdir.
İmanqali Tasmaqambetov isə Prezidentin Fərmanı ilə Prezidentin İcra Aparatının rəhbəri təyin edilmişdir.
Bundan əvvəl Qazaxıstanın baş naziri və dövlət katibi işləmiş İmanqali Tasmaqambetonun 47 yaşı vardır.
Bölmənin digər xəbərləri
