Qazi: “Dövlətimizin həssas təbəqənin insanlarına göstərdiyi diqqət və qayğı onun qüdrətinin təzahürüdür”
Bakı, 19 yanvar, AZƏRTAC
Ölkəmizdə belə mühüm tədbirlər ardıcıl olaraq, davamlı şəkildə həyata keçirilir. Bu gün mən də belə bir tədbirin iştirakçısı oldum. Bu gün bizlər həssas təbəqənin insanları olaraq dövlətimiz tərəfindən avtomobillə təmin olunmuşuq.
AZƏRTAC xəbər verir ki, bu sözləri Azərbaycanın ərazi bütövlüyünün müdafiəsi uğrunda sağlamlığını itirmiş ikinci qrup əlil, ehtiyatda olan mayor Etibar Həsənquliyev jurnalistlərə açıqlamasında söyləyib.
Qazi bildirib ki, bütün bunlar dövlətimizin həssas təbəqənin insanlarına göstərdiyi diqqət və qayğının təzahürüdür, həmçinin dövlətimizin gücünün, qüdrətinin bir sübutudur.
“Allah dövlətimizi qorusun! Eşq olsun qəhrəman xalqımıza! Eşq olsun qüdrətli dövlətimizə! Eşq olsun rəşadətli Ordumuza! Vətən uğrunda canını fəda edən qəhrəman şəhidlərimizin müqəddəs ruhları daim şad olsun!”, - deyə E.Həsənquliyev əlavə edib.
Bölmənin digər xəbərləri
