“Qəbələ” klubu futbolçusu Ruan Renato ilə müqaviləni yeniləyib
Bakı, 2 aprel, AZƏRTAC
“Qəbələ” klubu futbolçusu Ruan Renato ilə müqaviləni yeniləyib.
AZƏRTAC klubun rəsmi saytına istinadla xəbər verir ki, braziliyalı müdafiəçi ilə 2023-cü ilin yayınadək sözləşmə imzalanıb.
Əvvəlki müqaviləsi cari mövsümünün sonunda başa çatmalı olan 28 yaşlı cənubi amerikalı oyunçu daha bir mövsüm “qırmızı-qara” formanı geyinəcək.
Qeyd edək ki, 2021-ci ilin avqustundan “Qəbələ”nin şərəfini qoruyan Ruan Renato 22 matçda 2 qol vurub.
Bölmənin digər xəbərləri
