Qəbələdə 2 mindən çox ağac əkilmişdir
Qəbələ, 26 dekabr (AZƏRTAC). Qəbələ rayonunun mərkəzində və kəndlərdə mütəmadi olaraq yaşıllıqların salınması işləri həyata keçirilir.
AZƏRTAC xəbər verir ki, Qəbələ Rayon İcra Hakimiyyətinin təşkilatçılığı ilə ağacəkmə kampaniyası keçirilmişdir. Tədbirdə rayon ziyalıları, idarə və təşkilatların nümayəndələri, sıravi vətəndaşlar iştirak etmişlər.
Aksiya zamanı Nohur gölünün ətrafında, Vəndam meşəçiliyi sahəsində iki mindən çox ağac əkilmişdir. Ərazinin relyefi nəzərə alınaraq qoz, ağcaqayın, vələs, qovaq ağaclarının əkilməsinə üstünlük verilmişdir.
Rayonun kənd və qəsəbələrində də ağacəkmə kampaniyası ilə yanaşı, küçə və meydanların təmizlənməsi diqqət mərkəzində saxlanılır. Bu isə öz növbəsində Qəbələdə ekoloji tarazlığın qorunmasına, həmçinin ətraf mühitin gözəlliyinin saxlanılmasına təkan verir.
Bölmənin digər xəbərləri
