QƏRİB ƏLİYEV BEYNƏLXALQ GÜLƏŞ TURNİRİNƏ HAKİMLİK EDƏCƏK
Bakı, 22 may (AZƏRTAC). Mayın 30-da İtaliyanın Sassari şəhərində başlayacaq yunan-Roma və qadın güləşi üzrə “Town of Sassari” 14-cü Beynəlxalq turnirində iştirak edəcək Azərbaycan idmançılarının adları açıqlanmışdır.
Məşqçilər Akif Əliyev və Radik Hüseynovun rəhbərliyi altında yunan-Roma güləşi üzrə yarışlarda Sakit Cəlilov, Rövşən Bayramov (hər ikisi 60 kq), Vitali Rəhimov, Fuad Əliyev (hər ikisi 66 kq), Fərid Mansurov, Elvin Mürsəliyev (hər ikisi 74 kq), Şalva Qadabadze (96 kq) çıxış edəcəklər.
Qadınların turnirində Nadya Qradyuk, Yelena Komarova (hər ikisi 55 kq), Elvira Mürsəliyeva, Sona Əhmədli (hər ikisi 59 kq), Olesya Zamula (63 kq), Mariya Kaçina (67 kq) və Dina İvanova (72 kq) yarışacaqlar. Güləşçi qadınları yığma komandanın böyük məşqçisi Elşad Allahverdiyev və baş məşqçi Orest Skobelski müşayiət edəcəklər.
Beynəlxalq kateqoriyalı Azərbaycan hakimi Qərib Əliyev də turnirə təyinat almışdır.
Bölmənin digər xəbərləri
